डिटेक्टिव अल्फा आणि मध्यरात्रीचे संगीत | Detective Alpha ani Madhyaratriche Sangeet By Sourabh Wagle

नाशिक जिल्ह्यामध्ये काडवा नदीकाठी कुंदेवाडी नावाचं एक शांत सुंदर खेडेगाव आहे. या गावाच्या बाहेर शेतांनी वेढलेल्या परिसरात सुप्रसिद्ध सतारवादक नानासाहेब रानडे यांचा बंगला आहे. हिवाळ्यातील एका थंड रात्री त्या आउटहाऊसमधून एकाएकी सतारीचे सूर ऐकू यायला लागतात आणि समस्त रानडे कुटुंबियांची झोप उडते. ते आउटहाऊसचा दरवाजा उघडून पाहतात आणि त्यांना समोर रक्त गोठवून टाकणारं दृश्य दिसते.- खोलीच्या मध्यभागी सतारीला कवटाळून निपटित पडलेला नानांचा मृतदेह!

नानांचा खून झाला, हे सिद्ध झालं आहे आणि अल्फाला शोधून काढायचंय, ते निर्दयपणे, थंड डोक्याने खून करणार्या त्या गुन्हेगाराला. कोण असेल नानांचा खुनी? त्यांच्या कुटुंबातलाच कोणीतरी? की नानांचा एखादा अज्ञात शत्रू? संशयितांच्या गर्दीत आणखी एक प्रश्न विकट हास्य करत अल्फासमोर उभा आहे, आणि तो म्हणजे नानांच्या मृत्यूसमयी वाजलेल्या सतारीचं रहस्य नक्की काय आहे?